Panulisé Tembung Lingga

1. Tembung lingga sing asliné pancèn duwé aksara rangkep, panulisé uga dirangkep aksarané mau.

   Tuladha:

   massa	ꦩꦱ꧀ꦱ	dudu	ꦩꦱ
   Allah	ꦄꦭ꧀ꦭꦃ	dudu	ꦄꦭꦃ

2. Tembung lingga sing asliné ora duwé aksara rangkep, panulisé ora dirangkep senajan pakecapané mau kaya-kaya rangkep.

   Tuladha:

   menga pangucapané meng-nga nanging panulisané ꦩꦼꦔ dudu ꦩꦼꦁ​ꦔ

   semut pangucapané sem-mut nanging panulisané ꦱꦼꦩꦸꦠ꧀ dudu ꦱꦺꦩ꧀ꦩꦸꦠ꧀

   kalung pangucapané kal-lung nanging panulisané ꦏꦭꦸꦁ​ dudu ꦏꦭ꧀ꦭꦸꦁ​

3. Tembung lingga sing carané ngucapaké ana warna 2 ditulis manut pakecapané.

   Tuladha:

   Pakecapan	Ditulis	Pakecapan	Ditulis
   baé	ꦧꦲꦺ	waé	ꦮꦲꦺ
   samana	ꦱꦩꦤ	semana	ꦱꦼꦩꦤ
   nagara	ꦤꦒꦫ	negara	ꦤꦼꦒꦫ
   bathara	ꦧꦛꦫ	bethara	ꦧꦼꦛꦫ
   makaten	ꦩꦏꦠꦼꦤ꧀	mekaten	ꦩꦼꦏꦠꦼꦤ꧀

4. Tembung lingga nganggo pasangan ca ꧀ꦕ utawa ja ꧀ꦗ aksara sing dipasangi ditulis nya ꦚ

   Tuladha:

   kanca ditulis ꦏꦚ꧀ꦕ

   kancil ditulis ꦏꦚ꧀ꦕꦶꦭ꧀

   lancip ditulis ꦭꦚ꧀ꦕꦶꦥ꧀

   blanja ditulis ꦧ꧀ꦭꦚ꧀ꦗ

   bénjol ditulis ꦧꦺꦚ꧀ꦗꦺꦴꦭ꧀

   lonjong ditulis ꦭꦺꦴꦚ꧀ꦗꦺꦴꦁ

5. Tembung lingga yen wandané ngarep muni "ò" dudu /a/ lan sigeg n, ny, ma utawa ng lan wanda kapindho menga (ora sigeg) panulisané wanda ngarep nganggo taling tarung.

   Tuladha:

   kanca ora ditulis ꦏꦚ꧀ꦕ nanging ditulis ꦏꦺꦴꦚ꧀ꦕ

   sangga ora ditulis ꦱꦁ​ꦒ nanging ditulis ꦱꦺꦴꦁ​ꦒ

   tamba ora ditulis ꦠꦩ꧀ꦧ nanging ditulis ꦠꦺꦴꦩ꧀ꦧ

6. tembung lingga yen wanda ngarep muni "ò" ora /a/ lang menga (ora sigeg) lan wanda kapindho muni "ò" lan sigeg panulisané wanda 2 kasebut nganggo taling-tarung.

   Tuladha:

   rokok ditulis ꦫꦺꦴꦏꦺꦴꦏ꧀

   pojok ditulis ꦥꦺꦴꦗꦺꦴꦏ꧀

   ngorok ditulis ꦔꦺꦴꦫꦺꦴꦏ꧀

   Kajaba yèn pancèn wanda ngarep muni /a/

   Tuladha:

   bathok ditulis ꦧꦛꦺꦴꦏ꧀

   kathok ditulis ꦏꦛꦺꦴꦏ꧀

   utawa kasak baliné

   Tuladha:

   bothak ditulis ꦧꦺꦴꦛꦏ꧀

   kothak ditulis ꦏꦺꦴꦛꦏ꧀